26/11/08 Ermənilər Qazax, Füzuli və Xocavəndi atəşə tutblar

Bu barədə RİA-ya Azərbaycan Respublikası Müdafiə Nazirliyinin mətbuat xidmətindən məlumat verilib.
Məlumata görə, ermənilər noyabrın 25-də saat 15.20-dən 15.30-dək Ermənistan Respublikası Noyemberyan rayonu Voskepar kəndi və İcevan rayonu Berkaber kəndi ərazisində yerləşən mövqelərdən Azərbaycan Silahlı Qüvvələrinin Qazax rayonunun Aşağı Əskipara və Qızılhacılı kəndləri ərazisində yerləşən mövqelərini, saat 11.00-dan 11.15-dək Xocavənd rayonunun Kuropatkino kəndi yaxınlığında yerləşən mövqelərdən, saat 12.00-dan 12.20-dək Füzuli rayonunun ərazisindəki adsız yüksəkliklərdə yerləşən mövqelərdən, saat 16.35-dən 16.45-dək Tərtər rayonunun Seyidsulam kəndi yaxınlığında yerləşən mövqelərdən, noyabrın 26-da saat 06.00-dan 06.25-dək Xocavənd rayonunun Kuropatkino kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Bütün hallarda düşmən cavab atəşilə susdurulub, itki yoxdur.