Ria.Az | Reporter İnformation Agency: Bakının mərkəzində hündürmərtəbəli binaların tikintisinə icazə verilmir

Bakının mərkəzində hündürmərtəbəli binaların tikintisinə icazə
verilmir
================================================================================
Baş Redaktor on 
 
Bu barədə Fövqəladə Hallar Nazirliyi (FHN) Tikintidə Təhlükəsizliyə
Nəzarət Dövlət Agentliyinin rəis müavini Elxan Əsədov bildirib. O qeyd
edib ki, həmin tikililərin inşası artıq başa çatmaq üzrədir. “Hesab
edirik ki, gələcəkdə şəhərin mərkəzi nisbətən
yüngülləşdirilməlidir”, - deyə rəis müavini qeyd edib.
Əsədovun sözlərinə görə, hazırda tikinti şirkətlərinin
fəaliyyətində aşkar edilən ən böyük qüsurlar layihə sənədlərinə
əməl olunmaması, artıq mərtəbələrin tikilməsi, ayrılmış ərazilərin
qırmızı xətlərinin pozulması və s. bağlıdır.
Rəis müavini deyib ki, Bakıda şəhərsalma nöqteyi-nəzərindən bəzi
problemlər mövcuddur və onların qarşısı alınmalıdır. E.Əsədovun
sözlərinə görə, hazırda Dünya Bankının maliyyə dəstəyi ilə Bakı
şəhərinin yeni Baş Planının hazırlanması üçün hazırlıq işləri
aparılır. Yeni Baş Planda bu məsələlərin də öz əksini tapacağı
gözlənilir.